GOTONG ROYONG MEMBERSIHKAN JALAN KG

12.04.2015- Ahad
Moh Dogheh Poie Nobeh....Bangun jang banguuuuuuunnnnnn.. Jalan kito Kg Kito, Bersih sobab dek kito Somak pun sobab dek kito. Abang abang Pakcik pakcik yang lalu lalang tu meh lah singgap kojap ha nolong selopuk duo. Kok bukan wargo btg bona pun tapi tu lah jalan eh yang selalu ulang alik buek poie kojo. Apo salah eh mendormo tenaga yg di upah ngan pahalo.

SUKANEKA RAKYAT TABIKA KEMAS BTG BENAR

11.04.2015 Sabtu.

Warga Kg di jemput untuk memeriahkan lagi majlis tersebut tak kigho lah ado anak dlm tabika ko tidak ko. Yang ponting pnyertaan warga kg. Mokasih lah bebanyak kek penganjur iaitu KEMAS Dun Nilai yg besusah payah menjayokannyo. Dari pagi sampai ke tongahari paneh sumo eh setio menunggu. Macam2 acaro yang di adokan. Kospen ambek kesempatan jugak untuk membukak booth eh khas ntuk org gamai mengecek tokanan daghah, koncing manih, ukur borek & tinggi. Percumo sahajo. Apo tehkan rugi lah kalau korang tak join.

Acaro kemuncak dan yg paling ganeh iyolah tarik tali. Ni acaro sakitkan badan namo eh. Tapi dek somangat kekampungan punyo pasal sakit pun sakit lah. Yg x buleh tahan eh team btg bona x cukup lak oghang eh 10 pesorto. Hondak x hondak tepakso lah campur ngan tangan pompuan yg mogang sonduk tu....Hrp sumo x maghah lah yo. Bukan nk nunjuk eksen doh cumo nk njoiiiiiiii sesekalo...he he he!!

Sonyum ekau jang..